Rwanda: Rais Kagame awafuta kazi wanajeshi zaidi ya 200

Rais wa Rwanda, Paul Kagame.

------------------------------------------

Rais wa Rwanda Paul Kagame amewafuta kazi wanajeshi 214, wakiwemo maafisa kadhaa wakuu wa kijeshi.

Taarifa fupi ya Wizara ya Ulinzi ya Rwanda, iliyowekwa kwenye ukurasa wake rasmi wa X asubuhi ya leo, imesema maafisa waliofutwa kazi ni pamoja na Meja Jenerali Martin Nzaramba na Kanali Dkt Etienne Uwimana.

"Pia ameidhinisha kufutwa na kubatilishwa kwa maafisa 195 wa vyeo vingine vya Jeshi la Ulinzi la Rwanda," imesema taarifa hiyo.

Hakuna sababu iliyotolewa kwa hatua hiyo, lakini ilitangazwa saa chache baada ya Kagame kukutana na maafisa wakuu wa kijeshi, akiwemo Mkuu wa Majeshi Jenerali Mubarakh Muganga.

Tovuti inayounga mkono serikali ya New Times, imeripoti kwamba Rais Kagame na maafisa wa kijeshi wamejadili vipaumbele vya amani na usalama vya Rwanda.

Chanzo: BBC

UNAWEZA PIA KUSOMA:

>>Mahafali ya Darasa la 7 Odikwa 2024 yafana, CEO Mara Online aipa msaada wa kompyuta, printa >> Halmashauri ya Mji Tarime wafunga Juma la Elimu >> Gazeti la Sauti ya Mara latajwa Mkutano Mkuu wa HAIPPA PLC, CEO wake atunukiwa cheti cha pongezi >> Nyangwine ameonesha uzalendo kutangaza bidhaa, vivutio vya utalii vya Tanzania kimataifa