NEWS

Tuesday, 20 October 2026

Sera ya Biashara Bunifu mbioni kuandaliwa



Makamu wa Rais, Deogratias Ndejembi (kushoto), akizungumza wakati wa kufungua Kongamano la Wiki ya Biashara Tanzania 2026 jijini Dar es Salaam jana Oktoba 19, 2026.

Na Mwandishi Wetu
Dar es Salaam
---------------------

Sera itakayoongoza Biashara Bunifu nchini ni moja ya mambo yaliyopendekezwa kutekelezwa katika kipindi cha miezi sita ijayo ili kuthamini mchango wa ukuaji wa sekta hiyo kwa uchumi wa taifa.

Kuandaliwa kwa sera hiyo ni agizo lililotolewa na Makamu wa Rais wa Jamhuri ya Muungano wa Tanzania, Deogratias Ndejembi, wakati akifungua Kongamano la Wiki ya Biashara Tanzania 2026 jijini Dar es Salaam jana Oktoba 19, 2026.

Sera hiyo ya Biashara Bunifu itajumuisha vitu vingi ikiratibiwa kwa kushirikiana na sekta nyingine zenye biashara bunifu mbalimbali.

Makamu wa Rais Ndejembi alisema nia ya serikali ni kuwa na kituo kikubwa cha Biashara Bunifu kwa ajili ya kukutana na kukuza mawazo ya wamiliki wake.

Aliiagiza Ofisi ya Waziri Mkuu na Wizara ya Viwanda na Biashara kutafuta jengo litakalokuwa makutano ya Biashara Bunifu ili kukuza mawazo yao.

"Serikali inaiona sekta ya Biashara Bunifu kama eneo linalokua kwa kasi. Hivyo inaendelea kushirikiana na wamiliki na kuwajengea mazingira rafiki ili kukuza vipaji na mawazo yao," alisema Ndejembi.

Akizungumza kwenye kongamano hilo, Waziri wa Viwanda, Judith Kapinga, alisema tayari wizara yake ina kitengo cha intelijensia kinachoshughulikia masuala ya Masoko na Biashara Bunifu.

Naye Mtendaji Mkuu wa Taasisi ya Kukuza Biashara Bunifu, Zahoro Muhaji, alisema kampuni za vijana za Biashara Bunifu ni nguzo ya uchumi kwa Tanzania ya siku za usoni.

No comments:

Post a Comment

Post Top Ad

Your Ad Spot

Pages