Rais Samia aagiza uchunguzi wa kina kifo cha kiongozi wa CHADEMA

Rais Dkt Samia Suluhu Hassan

----------------------------------------

Na Mwandishi Wetu

Rais wa Jamhuri ya Muungano wa Tanzania, Dkt Samia Suluhu Hassan ameviagiza vyombo vya usalama nchini kuchunguza na kumpelekea taarifa ya kina kuhusu kifo cha Mjumbe wa Sekretarieti ya chama cha upinzani - CHADEMA Taifa, Ali Mohamed Kibao.

“Kwa masikitiko makubwa nimepokea taarifa ya mauaji ya kiongozi wa CHADEMA Bwana Mohamed Kibao. Natoa pole kwa viongozi wa chama hicho, familia ya Mzee Kibao, ndugu, jamaa na marafiki.

“Nimeagiza vyombo vya uchunguzi kuniletea taarifa ya kina kuhusu tukio hili baya kabisa na mengine ya namna hii haraka.

“Nchi yetu ni ya kidemokrasia na kila raia ana haki ya kuishi. Serikali ninayoiongoza haivumilii vitendo vya kikatili vya namna hii,” Rais Samia aliandika kwenye ukurasa wake wa X jana.

Jeshi la Polisi Tanzania lilithibitisha kifo cha Kibao ambaye anadaiwa kutekwa na watu ambao hawajafahamika siku moja kabla ya mwili wake kuokotwa juzi ukiwa utelekezwa eneo la Ununio, Tegeta jijini Dar es Salaam.

UNAWEZA PIA KUSOMA:

>>Mshukiwa wa mauaji ya mwanariadha Rebecca Cheptegei ameaga dunia >>Rebecca Cheptegei remembered at Paris Paralympics after tragic death >>Tragic boarding school fire in Kenya kills 17 pupils