Seleman Mwalimu kuwa Mtanzania wa kwanza kucheza Kombe la Dunia la Vilabu

Seleman Mwalimu

Mchezaji kinda raia wa Tanzania anayeitumikia klabu ya Wydad Athletic Club "Wydad Casablanca" ya nchini Morocco, Seleman Mwalimu, anakaribia kuweka rekodi ya kuwa Mtanzania wa kwanza kucheza Kombe la Dunia la Vilabu litakaloanza Juni 14 hadi Julai 13, mwaka huu wa 2025 nchini Marekani.

Seleman Mwalimu anayecheza soka la kulipwa nchini Morocco katika klabu ya Wydad Casablanca atapata fursa ya kuweka rekodi ya kuwa Mtanzania wa kwanza kucheza michuano hiyo mikubwa ngazi ya vilabu, kutokana na ushiriki wa klabu yake hiyo katika mashindano hayo.

Nyota huyo ambaye pia ni mchezaji wa timu ya Taifa ya Tanzania "Taifa Stars" alijiunga na miamba hiyo ya soka la Morocco na Afrika kwenye usajili wa dirisha dogo akitokea Fountain Gate FC inayoshiriki Ligi Kuu ya NBC Tanzania Bara.

Timu 32 kutoka mabara yote duniani zinatarajiwa kuchuana vikali kusaka ubingwa wa kwanza wa mashindano hayo wenye muundo mpya wa uendeshaji tofauti na ule wa awali ulioshirikisha timu saba pekee.

UNAWEZA PIA KUSOMA:

»Kikwete uso kwa uso na Rais Traore wa Burkina Faso, amkabidhi ujumbe maalum wa Rais Samia »Rais Samia awatakia Wakristo Pasaka njema, ahimiza upendo, umoja na amani »Katibu Mkuu CCM kufanya ziara mkoani Mara kuanzia Jumanne ijayo