Nyota wa Tabora United, Kocha Mkuu Azam wang'ara Tuzo za Ligi Kuu Tanzania Bara za Novemba 2024

Mshambuliaji wa Tabora United, Offen Chikola.

Na Mwandishi Wetu

Kamati ya Tuzo za Shirikisho la Mpira wa Miguu Tanzania (TFF) imemchagua mshambuliaji wa Timu ya Tabora United, Offen Chikola kuwa mchezaji bora wa mwezi Novemba wa Ligi Kuu ya NBC Tanzania Bara msimu huu wa 2024/25.

Chikola ambaye aliisaidia timu yake kuibuka na ushindi wa mechi tatu kati ya nne walizocheza na kufunga mabao matatu, yakiwemo mawili dhidi ya Yanga, amewabwaga wachezaji wenzake Yacouba Sogne na Moussa Camara wa Timu ya Simba.

Kocha Mkuu wa Azam, Rachid Taoussi.

Kwa upande mwingine, Kocha Mkuu wa Azam, Rachid Taoussi amechaguliwa kuwa kocha bora wa mwezi Novemba baada ya timu yake kushinda mechi zote tatu walizocheza mwezi huo, akiwashinda Fadlu David's wa Simba na Hamad Ali wa JKT Tanzania.

Aidha, Kamati ya Tuzo pia imemchagua Meneja wa Uwanja wa Lake Tanganyika mkoani Kigoma, Shaaban Rajabu kuwa Meneja Bora wa Uwanja kwa mwezi Novemba kutokana na usimamizi mzuri wa matukio ya kimichezo na kutunza miundombinu ya uwanja huo.

UNAWEZA PIA KUSOMA:

>>Wabunge wa Tanzania wapata ajali wakienda mashindano ya michezo Kenya >>Mwenyekiti wa Mara Press ampongeza Soko kuchaguliwa kuongoza MISA - TAN >>Jitihada za Rais Samia zajidhihirisha kwa ukuaji wa utalii nchini - Waziri >>Hitilafu ya kiafya yambakisha Manula airport Simba ikipaa kwenda Algeria