Chandi: Tumejifunza mengi kwa Kinana akiwa Mlezi wa CCM Mkoa wa Mara

Abdulrahman Kinana na Patrick Chandi Marwa

--------------------------------------------------------

Na Mwandishi WETU
-------------------------------

Mwenyekiti wa Chama Cha Mapinduzi (CCM) Mkoa wa Mara, Patrick Chandi Marwa amesema wana-CCM mkoani Mara wamejifunza mambo mengi mazuri kutoka kwa aliyekuwa Makamu Mwenyekiti wa CCM Tanzania Bara, Abdulrahman Kinana wakati akiwa Mlezi wao.

“Kinana alikuwa Mlezi wetu [CCM] wa Mkoa wa Mara, kichama tumejifunza mengi kutoka kwake, na pia tunamuomba asifunge milango pale tutakapohitaji ushauri kutoka kwake, maana alikuwa kiongozi mahiri sana,” amesema Chandi katika mazungumzo na Mara Online News kwa njia ya simu leo asubuhi.

Kwa mujibu wa taarifa kwa umma iliyotolewa jana Julai 29, 2024 na Katibu wa NEC - Itikati, Uenezi na Mafunzo, Amos Makala, Mwenyekiti wa CCM Taifa Rais Samia aliridhia ombi la Kinana la kujiuzulu nafasi ya Makamu Mwenyekiti wa CCM Tanzania Bara ambaye alimwandikia barua ya kuomba kupumzika utumishi wa chama hicho.

Katika kumjibu Kinana, Mwenyekiti wa CCM Taifa Rais Samia alisema “Ni kweli nilipokuomba utusaidie kwa nafasi ya Makamu Mwenyekiti nilikuahidi utakaa muda mfupi kama ulivyoomba, na kwa kweli nilipenda uendelee kutusaidia lakini kwa kuwa umeomba sana na ahadi ni deni nalazimika kwa moyo mzito kuridhia kujiuzulu kwako.”

Aidha, Mwenyekiti huyo wa CCM Taifa alimshukuru Kinana kwa mchango wake mkubwa kwa chama hicho  tawala, na kusema kitaendelea kutumia uzoefu na maarifa yake kila vitakapohitajika.

UNAWEZA PIA KUSOMA:

>>Grumeti Fund, TAWA waadhimisha Siku ya Askari wa Wanyamapori Duniani, RC Mtambi ataka ulinzi mkali maeneo ya uhifadhi

>>WWF Tanzania, wadau wa Mradi wa USAID wa Uhifadhi Dakio la Mto Mara wajipanga 24/25

>>Ajali ya gari yaua mtalii wa kigeni Hifadhi ya Serengeti

>>Nyambari Nyangwine alivyoitangaza Tanzania nchini India

>>Wanasiasa hawa waache kuwahadaa wananchi Tarime Vijijini

>>RUWASA Mara ilivyowatua akina mama wa kata ya Issenye ndoo ya maji kichwani