DC Tarime aonya utumikishaji watoto kwenye mashamba ya bangi, ukatili wa kijinsia

Mkuu wa Wilaya ya Tarime, Meja Edward Gowele akihutubia mkutano wa hadhara kijijini Nkerege leo.

-------------------------------------

Na Mwandishi Wetu/ Mara Online News

Mkuu wa Wilaya (DC) ya Tarime, Meja Edward Gowele ametoa onyo kali dhidi ya watu wanaotumikisha watoto kwenye mashamba ya zao haramu la bangi.

"Nimekuta watoto wadogo wanaotakiwa kuwa shule wanalimishwa kwenye mashamba ya bangi. Ni marufuku kuanzia leo, wengine wa kike wanakaa na wavuta bangi kule, tukimkamata tutaanza na mzazi, kweli tutakufunga," amesisitiza.

DC Gowele ametoa maonyo hayo wakati akihutubia mkutano wa hadhara uliofanyika katika kijiji cha Nkerege kilichopo kata ya Kiore, Halmashauri ya Wilaya ya Tarime (Vijijini) leo Oktoba 1, 2024.

Pia, amewataka wananchi wilayani humo kujiepusha na vitendo vya ukatili wa kijinsia, ukiwemo ukeketaji.

Kamishina wa sheria kutoka DCEA,Veronica Matikila akifafanua sheria dhidi ya dawa za kulevya aina ya bangi kwenye mkutano wa hadhara

 -------------------------------

Kiongozi huyo wa wilaya ameambatana na wataalamu wa sheria kutoka ofisi ya Mamlaka ya Kudhibiti na Kupambana na Dawa za Kulevya nchini (DCEA) kwa ajili ya kwenda kuwapa wananchi ufahamu wa kisheria juu ya dawa kulevya hizo ikiwemo bangi na madhara yake kijamii na kiuchumi

Awali, DC Gowele ambaye pia ameambatana na Diwani wa Kata ya Kiore, Rhobi Samwel na wataalamu wa halmashauri hiyo amekagua miradi mbalimbali ya maendeleo ikiwemo ya elimu, afya na maji inayoendelea kutekezwa katani humo.

UNAWEZA PIA KUSOMA:

>>Sagini aweka wazi dhamira yake ya mageuzi ya elimu Butiama >>Hospitali ya Halmashauri Musoma Vijijini yaanza kuhudumia wananchi >>Nyambari achangisha tena shilingi zaidi ya milioni 200 Kanisa Katoliki Nyamwaga, mwenyewe achangia milioni 42/-, Parokia yamkabidhi Askofu Msonganzila gari jipya >>Mradi wa Smart City wayeyuka Serengeti, ni ule uliotangazwa kutengewa shilingi trilioni 2