Man Utd yamruhusu Rashford kuondoka

Marcus Rashford

MANCHESTER United imemruhusu mshambuliaji wa Uingereza, Marcus Rashford,27, kuondoka kwa uhamisho.

Wakati huo huo, Manchester United hawana uwezekano wa kumpa ChristianEriksen, 32, mkataba mpya, huku mkataba wa sasa wa kiungo huyo wa kati wa Denmark ukikamilika mwishoni mwa msimu.

Kwa upande wake winga wa Liverpool, Federico Chiesa, 27, anafikiriwa na Napoli ili kuchukua nafasi ya Khvicha Kvaratskhelia, ikiwa mshambuliaji huyo wa Georgia hatatia saini mkataba mpya katika klabu hiyo ya Serie A.

Federico Chiesa

Juventus wao wanafikiria kumnunua Liam Delap wa Ipswich na wametuma maskauti kumtazama mshambuliaji huyo wa Uingereza mwenye umri wa miaka 21, ambaye pia anazivutia Chelsea na Manchester United.

Klabu hiyo ya Italia pia inatazamia kumnunua mshambuliaji wa Manchester United kutoka Uholanzi, Joshua Zirkzee, 23, kwa mkopo.

Naye kiungo wa kati wa Uhispania, Dani Ceballos, 28, anaweza kuwa njiani kuondoka Real Madrid, huku Real Betis wakiwa na nia ya kumrejesha mchezaji huyo wa zamani wa Arsenal katika klabu hiyo.

UNAWEZA PIA KUSOMA:

>>Ruto aahidi kuimarisha uchumi Afrika Mashariki >>HABARI PICHA >>Barrick North Mara, Halmashauri ya Tarime wafikisha Kampeni ya Siku 16 ya Kupinga Ukatili wa Kijinsia vijijini >>CHADEMA yashinda vijiji 4 Tarime Vijijini katika kata 3, imo Ganyange