Chandi ataka utoroshaji wa tumbaku udhibitiwe

 

NA MWANDISHI WETU
-----------------------------------
MWENYEKITI wa Chama Cha Mapinduzi (CCM) Mkoa wa Mara, Patrick Chandi Marwa (pichani) ametaka utoroshaji wa tumbaku kwenda nchi jirani udhibitiwe, ili kuokoa mapato ya serikali yanayotokana na biashara ya zao hilo.

 
“Baadhi ya tumbaku inayolimwa mkoani Mara inatoroshwa kwenda nchi jirani na kuikosesha serikali mapato yanayotokana na mauzo ya zao hilo,” alisema Chandi wakati akihutubia Mkutano Mkuu wa Klabu ya Waandishi wa Habari Mkoa wa Mara, uliofanyika Jumatatu iliyopita mjini Tarime.

 
Aliendelea: “Mamlaka husika zidhibiti tatizo hili serikali ikusanye mapato. Wafanyabiashara kutoka nje ya nchi walazimike kuja kununua tumbaku kwa njia halali - hata kwa Dola za Kimarekani ili wakulima wanufaike zaidi.”

UNAWEZA PIA KUSOMA:

>>Asanteni sana wasomaji wetu wa Mara Online News, Sauti ya Mara >> Polisi awaachia watuhumiwa kusherehekea Mwaka Mpya >>Vijiji vinavyofaidi mrabaha kutoka Mgodi wa Barrick North Mara vinapaswa kuwa ‘Paradiso’ Tarime Vijijini >>Simba waripotiwa kuua mifugo ya wanavijiji wilayani Serengeti