RCC Mara yabariki pendekezo la kugawa jimbo la Serengeti

Na Mwandishi Wetu, Musoma

Kamati ya Ushauri ya Mkoa (RCC) wa Mara imepitisha kwa kauli moja pendekezo la kuligawa jimbo la uchaguzi la Serengeti ili kupata majimbo mawili.

Majimbo hayo ni Serengeti Mashariki litakaloundwa na kata 14 na Serengeti Magharibi lotakalokuwa na kata 16.

Wakichangia hoja katika kikao cha RCC kilichofanyika mjini Musoma leo Jumatano, wachangiaji wote wamekubalina na umuhimu wakugawa jimbo hilo lenye kata 30.

Hoja hiyo imejadiliwa baada ya kupitishwa kwenye vikao vya kisheria wilayani Serengeti, na baada ya kupitishwa na RCC sasa suala hilo litawasilishwa kwenye Tume Huru ya Taifa ya Uchaguzi (INEC) kwa ajili ya maamuzi.

Kikao hicho cha RCC kilihudhuriwa naviongozi wakuuwa mkoa huo akiwemo  Mwenyekitiwa chama-tawala CCM, Patrick Chandi Marwa na kuongozwa na Mkuu wa Mara, Kanali Evans Mtambi. 

Jana Jumanne, Baraza la Madiwani na Kamati ya Ushauri ya Wilaya (DCC) ya Serengeti kwa kauli moja walipitisha rasmi pendekezo la kugawa jimbo la Serengeti kuwa majimbo mawili, baada ya kukusanya maoni ya wananchi kutoka kata zote 30, taasisi mbalimbali na vyama vya siasa.

UNAWEZA PIA KUSOMA:

>>Prof Sarungi aaga dunia Dar es Salaam >> Mbunge mtoro wa vikao vya mkoa atafutwa, aibukia kikao cha RCC Mara >>Kamati ya Bunge ya Bajeti yazuru Mgodi wa Barrick North Mara, yaumiminia pongezi >> Chamwino: Programu ya Lipa kwa Matokeo yaondoa kero ya maji Mvumi Mission