Makamu wa Rais awataka wakimbiza Mwenge wa Uhuru kufichua ubadhirifu wa fedha za umma

Makamu wa Rais, Dkt Philip Isdor Mpango, akikabidhi Mwenye wa Uhuru kwa Kiongozi wa Mbio za Mwenge huo Kitaifa 2025, Ismail Ali Ussi, mkoani Pwani leo Machi 2, 2025.

--------------------------------

Na Mwandishi Wetu, Pwani

Makamu wa Rais wa Jamhuri ya Muungano wa Tanzania, Dkt Philip Isdor Mpango, amewataka viongozi wa Mbio za Mwenge wa Uhuru Mwaka 2025 kumulika na kifichua bila woga vitendo vyote vibaya, vikiwemo vya ubadhirifu wa fedha za umma katika kila halmashauri watakayopita nchini.

Dkt Mpango ametoa maelekezo hayo kupitia hotuba yake ya uzunduzi wa mbio hizo mkoani Pwani leo Aprili 2, 2025.

Aidha, Dkt Mpango ameziagiza mamlaka za serikali za mitaa kutoa ushirikiano wa kutosha kwa wakimbiza Mwenge wa Uhuru ili weweze kutimiza lengo lililokusudiwa.

Makamu wa Rais, Dkt Philip Isdor Mpango, akiwasha Mwenye wa Uhuru wakati wa uzinduzi wa mbio za mwenge huo mkoani Pwani leo Machi 2, 2025.

-------------------------------

Mwenge huo wa uhuru utakimbizwa katika Jamhuri ya Muungano wa Tanzania kwa siku 195 kuanzia leo na kuhitimishwa mkoani Mbeya Oktoba 14, 2025.

Kiongozi wa mbio za Mwege wa Uhuru Kitaifa Mwaka 2025 ni Ismail Ali Ussi kutoka Kaskazini Unguja.

Kaulimbiu ya Mbio za Mwenge wa Uhuru Mwaka 2025 inasema “Jitokeze Kushuriki Uchaguzi Mkuu 2025 kwa Amani na Utulivu”.

UNAWEZA PIA KUSOMA:

»Dar es Salaam: Kituo cha Demokrasia Tanzania chafanya mkutano na vyama vya siasa »Wananchi washangilia ujio wa Gridi ya Taifa ya Maji »Dkt Mukama aweka alama Chama cha Mpira wa Mikono, apiga jeki mashindano ya Klabu Bingwa yaliyofanyika Bunda