Miili ya watu 8 waliosombwa na mafuriko mto Mori kuzikwa kesho Tarime

Sehemu ya mto Mori katika mtaa 

wa Bugosi, Tarime mkoani Mara.

Na Mwandishi Wetu/ Mara Online News

Miili ya watu wanane wa familia moja waliofariki dunia baada ya makazi yao kuvamiwa na kusombwa na mafuriko ya mto Mori katika mtaa wa Bugosi uliopo kata ya Nyamisangura, Tarime mkoani Mara itaagwa na kuzikwa kesho Novemba 28, 2024.

Mafuriko hayo ya mto Mori, unaotiririsha maji kwenda Ziwa Victoria nchini Tanzania, yalitokea Novemba 24, 2024 saa nne usiku.

Kwa mujibu wa Katibu Tawala wa Wilaya ya Tarime, Mwalimu Saul Mwaisenye, miili hiyo itaagwa kwenye viwanja vya Bugosi, kisha kusafirishwa kwenda kuzikwa katika makaburi ya Magena, nje kidogo ya mji wa Tarime.

Kati ya watu 11 wa familia ya Elias Ngare ni wawili walionusurika katika ajali hiyo ya mafuriko, pamoja na wengine tisa wa familia ya Edward, licha ya kuachwa bila makazi.

UNAWEZA PIA KUSOMA:

>>Dkt. Faustine Ndugulile, Mkurugenzi Mteule wa WHO Kanda ya Afrika, afariki dunia >>AICT, Right to Play waongeza ari kwa walimu Tarime Vijijini >>AICT, Right to Play waiomba jamii kusaidia hamasa ya elimu kwa mtoto wa kike >>Tarime: Watu 9 wafa mafuriko ya mto Mori unaotiririsha maji Ziwa Victoria