Rais Samia ateua viongozi mbalimbali, Mhandisi Lwamo sasa Katibu Mtendaji Tume ya Madini Tanzania

Rais Dkt Samia Suluhu Hassan

Na Mwandishi Wetu/ Mara Online News

Rais wa Jamhuri ya Muungano wa Tanzania, Dkt Samia Suluhu Hassan amefanya uteuzi wa viongozi mbalimbali, akiwemo Mhandisi Ramadhani Masoud Lwamo aliyemteua kuwa Katibu Mtendaji wa Tume ya Madini nchini.

Kwa mujibu wa taarifa kwa vyombo vya habari iliyotolewa jana na Katibu Mkuu Kiongozi Balozi Dkt Moses Kusiluka, Rais Samia pia amemteua Dkt Aggrey Kalimwage Mlimuka kuwa Mwenyekiti wa Bodi ya Tume ya Ushindani (FCC) kwa kipindi cha pili.

Wengine ni Prof Othman Chande Othman aliyeteuliwa kuwa Mwenyekiti wa Bodi ya Shirika la Viwango Tanzania (TBS) kwa kipindi cha pili na Dkt Florens Martin Turuka aliyeteuliwa kuwa Mwenyekiti wa Bodi ya Kampuni ya Mbolea Tanzania (TFC) kwa kipindi cha pili.

Pia, Rais Samia amemteua Prof Valerian Cosmas Silayo kuwa Mwenyekiti wa Bodi ya Kituo cha Zana za Kilimo na Teknolojia Vijijini (CAMARTEC) kwa kipindi cha pili, kwa mujibu wa taarifa hiyo iliyosainiwa na Mkurugenzi wa Mawasiliano ya Rais, Ikulu, Sharifa Nyanga.

UNAWEZA PIA KUSOMA:

>>Dodoma: Makamu Mwenyekiti CCM Bara kujulikana mwishoni mwa wiki hii >>Siasa: Mbowe awashangaa wanaomtaka ang’atuke uenyekiti CHADEMA >>Wanafunzi wahamia shule mpya iliyojengwa na Barrick North Mara >>Tume ya Madini yatoa tahadhari ongezeko la matumizi ya baruti nchini