Kichapo cha 4G toka kwa Yanga, Kocha wa Fountain Gate atupa lawama kwa golikipa wake

Kocha wa Fountain Gate FC, Robert Matano (kushoto) na Kipa wa timu hiyo, John Noble.

--------------------------------------

Na Mwandishi Wetu, Babati

Baada ya kuchezea kichapo cha mabao 4-0 kutoka kwa Yanga SC "wananchi", Kocha wa Fountain Gate FC, Robert Matano, ametupa lawama kwa mlinda lango wa timu hiyo, John Noble, kwamba makosa yake yaliitoa timu mchezoni na kusababisha kupoteza mchezo huo.

Matano ametupa lawama hizo kwa golikipa wake alipofanyiwa mahojiano na chombo cha habari muda mfupi baada ya kutamatika kwa mchezo huo wa Ligi Kuu ya NBC leo Jumatatu jioni kwenye Uwanja wa Tanzanite, Babati mkoani Manyara.

"Amekuwa akifanya vizuri lakini leo ametuangusha, kwa kipa mkubwa wa kariba yake kufanya makosa ya namna ile ametugharimu na kututoa kwenye mchezo kabisa," Matano amesema akionesha kusikitishwa sana na kitendo hicho.

Kutokana na kukasirishwa na kiwango kibovu cha Noble, kocha huyo alilazimika kumtoa mchezoni mwishoni mwa kipindi cha kwanza kumpisha Rashid Parapanda ambaye alidaka mpaka mwisho wa mchezo huo na kuruhusu pia magoli mawili.

Wachezaji wa Yanga wakishangilia ushindi

UNAWEZA PIA KUSOMA:

»Dkt Nchimbi aagiza wananchi Nyatwali walipwe fidia iliyobaki kupisha upanuzi Hifadhi ya Serengeti »Kifo cha Papa Francis: Rais Samia atuma salamu za pole kwa Wakatoliki duniani »Simba waichapa Stellenbosch, watanguliza mguu Fainali Kombe la Shirikisho Afrika